కార్పొరేట్ సామాజిక బాధ్యత

మహిళా సాధికారతలో అట్టడుగు వర్గానికి చెందిన మహిళల సార్వత్రిక వృద్ధి మరియు అభివృద్ధిని సాధించడంపై మేము దృష్టి సారిస్తున్నాము. మహిళల ఆదాయాన్ని పెంచడం, ఆర్థిక స్వతంత్రత, ఆత్మవిశ్వాసాన్ని పెంపొందించడం, మహిళల ఆరోగ్యం, పరిశుభ్రతకు సంబంధించిన ఆరోగ్య సమస్యలను పరిష్కరించడం మా ప్రధాన లక్ష్యం.
 

మహిళా సాధికారత ప్రాజెక్టుల ద్వారా అందించబడే మద్దతు/ అమలు ఈ కింది విధంగా ఉంది:
 

1. a. గత ఆర్థిక సంవత్సరంలో రెండు నాప్కిన్ తయారీ యూనిట్లను ఏర్పాటు చేయడం జరిగింది. ఒకటి లక్నోలో ఉంది, మరొకటి గుజరాత్‌లోని వల్సాడ్‌లో ఉంది. సమీపంలోని గ్రామాల నుండి 64 మహిళలు ప్రస్తుతం నాప్కిన్‌ల ఉత్పత్తి, ప్యాకేజింగ్ మరియు విక్రయంలో నిమగ్నమై ఉన్నారు. రుతుక్రమ ఆరోగ్యం మరియు పరిశుభ్రతపై అవగాహన లేకపోవడం కారణంగా అనేక ఆరోగ్య ప్రమాదాలతో జీవిస్తున్న ఇతర గ్రామీణ మహిళలకు, వారి గ్రామాల్లో అవగాహన సెషన్లను నిర్వహించడంలో కూడా ఈ మహిళలు పాల్గొంటున్నారు. 200 గ్రామాల్లోని గ్రామీణ మహిళలను చేరుకోవడమే మా లక్ష్యం.
2.  
3. b. మసాలా దినుసులు, ఊరగాయ ఉత్పత్తి కోసం మూడు యూనిట్లను ఏర్పాటు చేసి, 115 మంది గ్రామీణ మహిళలకు ఉత్పత్తి, ప్యాకేజింగ్, అమ్మకాలలో అవకాశాలు ఇవ్వడం జరిగింది. ఈ సంస్థను నిర్వహిస్తున్న మహిళలందరూ స్వయం సహాయక సంఘాలుగా ఏర్పడ్డారు. వారి ద్వారా సంపాదించిన లాభాలు వ్యాపార అభివృద్ధి కోసం ఉపయోగించబడతాయి మరియు సభ్యుల మధ్య పంపిణీ చేయబడతాయి.
4.  
5. c. కోవిడ్ కారణంగా తీవ్రంగా ప్రభావితమైన వలస ప్రజలకు ప్రయోజనం చేకూర్చాలనే లక్ష్యంతో 'మెరుగైన జీవన నాణ్యత'ను నిర్ధారించాలనే దిశగా ఒక ప్రాజెక్టును రూపొందించారు. ఈ ప్రాజెక్టులో 150 మంది నిర్మాణ కార్మికులకు శిక్షణ ఇచ్చి, వారికి ఫ్యాషన్ పరిశ్రమలో చోటు కల్పించారు. ఈ అధునాతన శిక్షణలో జపాన్ నుండి దిగుమతి చేసుకున్న ప్రత్యేక కుట్టు మెషీన్లు ఉన్నాయి, వీటిపై శిక్షణ ఇవ్వడానికి ముందే మహిళలు వీటిని నేర్చుకున్నారు మరియు ఆచరణలో పెట్టారు. ఈ సంస్థల్లో పనిచేసే మహిళలు సగటున నెలకు ₹10,000 సంపాదిస్తున్నారు.
6.  
7. d. 420 మంది చెవిటి మహిళలకు 4 వేర్వేరు వృత్తులలో శిక్షణ ఇవ్వడానికి స్కిల్ డెవలప్‌మెంట్ ప్రాజెక్టును రూపొందించడం జరిగింది. మిక్సర్ గ్రైండర్ రిపేర్, ఎల్ఇడి రిపేర్, మొబైల్ రిపేర్, ఎలక్ట్రికల్ లాంటి వృత్తులు ఉన్నాయి. శిక్షణ అనంతరం ఈ మహిళలు ప్రత్యేక వృత్తులలో నైపుణ్యం పొందుతారు, ఇది ఆర్థిక స్వాతంత్య్రం కలిగి ఉండటానికి వీలు కల్పిస్తుంది.
8.  
9. e. ఒడిశా రాష్ట్రం, భువనేశ్వర్‌ నగరంలోని ఎల్‌వి ప్రసాద్ ఐ ఆసుపత్రిలో మహిళా ఉద్యోగుల పిల్లలను (10 సంవత్సరాల వయస్సు వరకు) చూసుకోవడానికి ఒక ప్రీస్కూల్ నిర్మించడం జరిగింది. ఈ చొరవ కారణంగా ఉద్యోగం, కుటుంబం మధ్యన ఏది ఎంచుకోవాలని సతమతం అయ్యే మహిళలు ఇప్పుడు నిశ్చింతగా ఉద్యోగం కొనసాగించేందుకు ముందుకు వస్తున్నారు. అంతేకాకుండా, ఇంతకు ఉద్యోగం వదిలేసి వెళ్లిపోయిన మహిళా ఉద్యోగులలో కొందరు తిరిగి పని చేయడానికి ఆసక్తి చూపుతున్నారు.
10.  
11. f. రాజస్థాన్ గ్రామాల్లోని 7 గ్రామీణ కేంద్రాల్లో 120 మంది గ్రామీణ మహిళల కోసం స్కిల్ డెవలప్‌మెంట్ ప్రాజెక్ట్ అమలు చేయడం జరిగింది. ఈ ప్రాజెక్ట్ ద్వారా వీరు 6 నెలల పాటు శిక్షణ పొంది, ఆపై వారికి అందించిన మగ్గాలపై పని చేస్తున్నారు. వీరు తయారు చేసిన తివాచీలను విక్రయిస్తున్నారు మరియు ప్రస్తుతం తివాచీ తయారీ రంగంలో మంచి లాభాలను కూడా పొందుతున్నారు.